Ýaryşa gatnaşyjy ýurtlar: Türkmenistan, Azerbaýjan, Gyrgyz Respublikasy, Özbegistan, Türkiýe we myhman hökmünde Gruziýa. Türkmen ýygyndysy «A» toparçasynda Türkiýäniň we Azerbaýjanyň ýygyndylary bilen bir hatarda ýerleşýär, «B» toparçasynda bolsa Gyrgyz Respublikasy, Özbegistan we Gruziýanyň ýygyndylary ýaryşar.
Duşuşyklara 1-nji oktýabrda badalga berler. Türkmenistanyň ýetginjekler ýygyndysy 1-nji oktýabrda Türkiýäniň, soňra 2-nji oktýabrda Azerbaýjanyň ýygyndysyna garşy meýdana çykar. Bu duşuşyklaryň netijeleri 6-njy oktýabrdaky garşydaşy kesgitlär. Çünki ýaryşyň düzgünnamasyna laýyklykda, türkmen ýygyndysy toparçada haýsy orny eýelese, «B» toparçada şol orny eýelän ýygyndy bilen güýç synanyşar.
Bu ýaryş türkmen futbolçylarynyň 2025-nji ýyldaky Aziýanyň kubogy saýlama tapgyryna taýýarlyk görmekde möhüm ädimdir. Çünki türkmen futbolçylary, 23 ― 27-nji oktýabr aralygynda Tailandda geçirilmeli saýlama duşuşyklara gatnaşarlar. «D» toparça wekilçilik eden ildeşlerimiz 23-nji oktýabrda Tailandyň, 25-nji oktýabrda Hindistanyň, 27-nji oktýabrda bolsa Bruneý adalarynyň ýygyndylary bilen güýç synanyşar.