28-nji iýulda Türkmenistanyň daşary işler ministri Raşid Meredow özbegistanly kärdeşi Bahtiýor Saidow bilen telefon arkaly söhbetdeş boldy. Bu barada Özbegistanyň DIM-iniň metbugat gullugy habar berdi.
Söhbetdeşligiň barşynda Türkmenistan bilen Özbegistanyň arasyndaky strategiki hyzmatdaşlygy pugtalandyrmak, ýetip gelýän sebit we halkara derejeli wakalara taýýarlyk bilen bagly köp sanly möhüm meseleler ara alnyp maslahatlaşyldy.
Ýeri gelende ýatlatsak, mundan ozal Türkmenistanyň Mejlisiniň hem-de Özbegistan Respublikasynda Oliý Majlisiniň Senatynyň we Oliý Majlisiniň Kanun çykaryjy Palatasynyň agzalaryndan düzülen parlamentara dostluk toparynyň arasynda wideoaragatnaşyk arkaly duşuşyk geçirilendigini habar beripdik.