Türkmenistanyň daşary işler ministri Raşid Meredow bilen Günorta Sudan Respublikasynyň daşary işler we halkara hyzmatdaşlyk ministri Mondaý Semaýe Kumbanyň arasynda telefon söhbetdeşligi boldy.
Telefon arkaly geçirilen söhbetdeşlikde taraplar ikitaraplaýyn hyzmatdaşlygyň köp sanly meselesi barada pikir alyşdylar we Türkmenistanda geçiriljek BMG-niň Deňze çykalgasy bolmadyk ösüp barýan ýurtlar boýunça üçünji maslahatyna (LLDC 3) taýýarlyk meselelerini ara alyp maslahatlaşdylar.
Şeýle hem ozal habar berşimiz ýaly, Türkmenistanyň daşary syýasat edarasynyň ýolbaşçysy Çadyň hem-de Burundiniň, şol bir wagtda Belarusyň we Moldowanyň daşary işler ministrleri bilen telefon arkaly söhbetdeşlikler geçirdi.