Şu gün paýtagtymyz Aşgabatdaky “Ýyldyz” myhmanhanasynda Türkmenistanyň Maýa goýumy forumy (TIF-2024) dabaraly ýagdaýda başlady. Onuň işine “Atawatan Media” topary hem gatnaşdy.
Türkmenistanyň ykdysadyýetine ýokary tehnologiýalary we innowasiýalary çekmek boýunça halkara maslahaty we sergisiniň guramaçylary hökmünde Türkmenistanyň Maliýe we ykdysadyýet ministrligi, Türkmenistanyň Daşary işler ministrligi hem-de Söwda-senagat edarasy çykyş etdi.
Türkmenistanyň Prezidenti Serdar Berdimuhamedow Maýa goýum forunynyň gatnaşyjylaryna wideoýüzlenme bilen çykyş etdi.
Hormatly Prezidentimiz ertir, ýagny 11-nji sentýabrda Owganystan boýunça möhüm taslamalaryň dabaralaryna gatnaşyljakdygyny aýtdy.
– Türkmenistan-Owganystan-Pakistan-Hindistan gaz geçirijisi taslamasynyň esasy tapgyry bolan “Arkadagyň ak ýoly bilen Serhetabat-Hyrat gaz geçirijisiniň”, şeýle hem Türkmenistan-Owganystan-Pakistan ugry boýunça elektrik, ulag we aragatnaşyk ulgamlarynyň düýbüni tutmak we işe girizmek dabaralarynyň şaýady bolarys – diýip, hormatly Prezidentimiz belledi.