Türkmenistanyň Prezidenti Serdar Berdimuhamedow Birleşen Milletler Guramasynyň Baş sekretary Antoniu Guterrişe doglan güni mynasybetli ýürekden gutlaglaryny we iň gowy arzuwlaryny iberdi.
Şu ýakymly mümkinçilikden peýdalanyp, döwlet Baştutanymyz BMG-niň Baş sekretary Antoniu Guterrişe tüýs ýürekden berk jan saglyk, bagtyýarlyk we egsilmez gujur-gaýrat, alyp barýan işinde uly üstünlikleri gazanmagy arzuw etdi.
Antoniu Guterriş 1949-njy ýylyň 30-njy aprelinde dünýä indi. Ol Portugaliýanyň döwlet işgäri, 2017-nji ýylyň 1-nji ýanwaryndan bäri BMG-niň Baş sekretary bolup durýar.
Guterriş Portugaliýanyň Premýer-ministri wezipesinde işlän, şeýle hem BMG-niň bosgunlar boýunça ýokary komissary ýaly wezipelerde hem iş alyp baran görnükli syýasy işgärdir.