Türkmenistanyň medeniýet ministri Atageldi Şamyradow Türkiýe Respublikasynda saparda bolar. Türkmenistanyň ministri Ykdysady Hyzmatdaşlyk Guramasynyň syýahatçylyk boýunça 6-njy ministrler duşuşygyna gatnaşar.
Mälim bolşy ýaly, Ykdysady Hyzmatdaşlyk Guramasy tarapyndan 2025-nji ýylda Türkiýäniň Erzurum şäheri guramanyň syýahatçylyk paýtagty diýlip yglan edilipdi.
Şunuň bilen baglylykda, gurama agza döwletleriň ministrleriniň nobatdaky duşuşygy Erzurum şäherinde geçiriler. 25-26-njy aprel aralygynda geçiriljek duşuşykda Ykdysady Hyzmatdaşlyk Guramasynyň düzümine girýän döwletlerň arasynda syýahatçylyk pudagynda hyzmatdaşlygy ösdürmäge degişli meseleler ara alnyp maslahatlaşylar.