DÜNÝÄ

Türkmenistanyň Ilçisiniň Gruziýanyň Parlamentiniň başlygynyň orunbasary bilen duşuşygy

Gruziýanyň Parlamentiniň edara binasynda Türkmenistanyň Gruziýadaky Adatdan daşary we Doly ygtyýarly Ilçisi D.Seýitmämmedow bilen Gruziýanyň Parlamentiniň başlygynyň orunbasary N.Silosaniniň arasynda duşuşyk geçirildi.

Duşuşygyň barşynda taraplar türkmen-gruzin gatnaşyklarynyň häzirki ýagdaýyny we geljegini ara alyp maslahatlaşdylar. Syýasy-diplomatik, söwda-ykdysady, medeni-ynsanperwer, ulag we energetika pudaklarynda hyzmatdaşlygy giňeltmäge uly mümkinçilikleriň bardygyny belläp geçdiler.

Söhbetdeşler türkmen-gruzin gatnaşyklarynyň toplumlaýyn ösmeginiň esasyny düzýän iki ýurduň kanun çykaryjy edaralarynyň özara hyzmatdaşlygyna aýratyn üns berildi.

Taraplar 2024-nji ýylyň aprel aýynda Gruziýanyň Parlamentiniň Başlygy Şalwa Papuaşwiliniň ýolbaşçylygyndaky wekiliýetiň Türkmenistana bolan resmi saparyny belläp geçdiler. Kanun çykaryjy edaralaryň ýolbaşçylarynyň duşuşygy yzygiderli gepleşikleri alyp barmak hem-de hyzmatdaşlygyň esasy ugurlaryny anyklamak üçin netijeli meýdança bolup durýandygy aýratyn nygtalyp geçildi.

Duşuşygyň dowamynda parlamentara Dostluk toparynyň işiniň halkaryň arasyndaky özara düşünişmekdäki we konstruktiw hyzmatdaşlygy alyp barmakdaky netijeli gural bolup durýandygy we onuň orny barada aýdyldy.

Taraplar ähli ugurlar boýunça hyzmatdaşlygy mundan beýläk-de has ösdürmäge hem-de berkitmäge taýýardygyny beýan etdiler.

Ýene-de okaň

Türkmenistanyň daşary işler ministri Russiýada saparda bolar

Pakistanyň Daşary işler ministrliginiň goşmaça sekretarynyň Aşgabada sapary

Raşid Meredow bilen Sergeý Lawrowyň telefon söhbetdeşligi

Ata Watan Eserleri

Russiýanyň Prezidenti dört günlük sapar bilen Hytaýa barar

102 ýaşynda daga çykyp, Ginnesiň rekordyna eýe boldy

Ata Watan Eserleri

Şanhaý Hyzmatdaşlyk Guramasynyň sammitine 20-den gowrak ýurduň ýolbaşçylary gatnaşar