Geçen ýylyň dekabr aýynda döredilen Global kiber sport federasiýasy (GEF) Türkmenistanyň Elektron sport federasiýasyny hem öz agzalygyna kabul etdi. Şeýlelikde, döredilenine heniz bir ýyl hem bolmadyk halkara federasiýanyň agzalarynyň sany 54-e ýetdi.
Elektron sporty has-da ösdürmek, olaryň Olimpiýa maksatnamasyna girizilmegini gazanmak GEF-niň, häzirlikçe, iň uly maksady. Şeýlelikde, bu herekete elektron sportunyň türkmenistanly wekilleri hem goşulyp biler. Olary beýleki agzalar bilen bilelikde saýlama ýaryşlara gatnaşmaga çagyrmak meýilleşdirilýär.
Bu gurama Ýer ýüzünde saglyk bilen bagly ýagdaýlaryň durnuklylaşmagyna seredip, şu ýylyň ahyryna çenli bir iri halkara ýaryşy geçirmegi meýilleşdirýär. Bu ýaryşda öz ildeşlerimizi hem görüp bileris — diýip, «Türkmenistan» gazetinde habar berilýär.