Türkmenistanyň döwlet ministri — «Türkmengaz» döwlet konserniniň başlygy Maksat Babaýew Eýranyň Milli gaz kompaniýasynyň (NIGC) ýerine ýetiriji direktory, Eýranyň nebit ministri Majid Çegeni bilen duşuşdy. Onda iki ýurduň arasynda ýangyç-energetika pudagynda hyzmatdaşlygy ösdürmek meseleleri, aýratyn-da gaz pudagynda ýola goýlan hyzmatdaşlygyň häzirki ýagdaýy, şeýle-de geljekki ugurlar ara alnyp maslahatlaşyldy.
Duşuşyga «Türkmengaz» döwlet konserniniň başlygynyň orunbasary Myrat Arçaýew hem-de bölüm müdiriniň orunbasary Begenç Hudaýberdiýew hem gatnaşdy. Onuň barşynda Türkmenistanyň Prezidentiniň hem-de Türkmenistanyň Halk Maslahatynyň Başlygynyň EYR-na guran saparlarynda geçiren gepleşikleriniň taryhy ähmiýete eýe bolan wakalary hökmünde ykrar edilendigi tassyklandy.
Eýran tarapy nebit-gaz gorlaryna baý bolan Türkmenistan bilen ikitaraplaýyn hyzmatdaşlygy ösdürmäge taýýardygyny nygtadylar. Duşuşygyň ahyrynda taraplar dostluk, hoşniýetli goňşuçylyk we birek-birege hormat goýmak ýörelgelerine esaslanýan türkmen-eýran hyzmatdaşlygyny mundan beýläk-de pugtalandyrjakdyklaryny tassykladylar.