30-njy aprelde Türkmenistanyň Daşary işler ministrliginiň Halkara gatnaşyklary institutynda Türkmenistanyň Arbitraž kazyýetiniň tejribeleli kazylarynyň gatnaşmagynda halkara hukugy fakultetinde bilim alýan talyplary üçin hünärlerini has-da kämilleşdirmäge ýardam berýän okuw sapagy geçirildi.
Bu okuw sapagy, 2021-nji ýylyň 9-njy fewralynda Türkmenistanyň Prezidentiniň ýurdumyzyň diplomatik gullugynyň we halkara gatnaşyklarynyň ylym-bilim binýadyny kämilleşdirmek boýunça sanly wideoaragatnaşyk ulgamy arkaly geçiren maslahatynda berlen tabşyryklary ýerine ýetirmek boýunça alnyp baryldy.
Okuw sapagynyň dowamynda Türkmenistanyň Arbitraž kazyýetiniň tejribeleli kazylary Arbitraž hukugy we Arbitraž iş ýörediş hukugy bilen baglanyşykly geljekki halkara hukukçylara giňişleýin hukuk düşünjelerini berdiler. Bu bolsa talyplaryň hukuk bilimlerini ýokarlandyryp, hukuk düşünjeleriniň has-da artmagyna öz täsirini ýetirdi. Gyzykly geçen sapagyň ahyrynda talyplar öz gyzyklanýan soraglary bilen kazylara ýüzlenmek arkaly özara sorag-jogap alyşdylar.
Şahnoza EMINOWA,
Türkmenistanyň Daşary işler ministrliginiň
Halkara gatnaşyklary institutynyň Halkara
hukugy fakultetiniň 3-nji ýyl talyby.