STEM bilen gyzyklanýan, 15-17 ýaş aralygyndaky ýaş liderleriň we kämilleşdirilişiň tarapdarlarynyň joşgunly jemgyýetine goşulmak isleýän ähli gyzlary TechGirls maksatnamasyna gatnaşmaga çagyrýarys!
Amerikan tehnologiýa bilermenleri bilen bilelikde başarnyklary ösdürmek arkaly ýaş gyzlary (15-17 ýaş aralygy) STEM ugurlarynda ýokary bilim we kär edinmäge höweslendirmek we güýçlendirmek üçin döredilen intensiw tomusky maksatnama gatnaşmak üçin ýüz tutuň! TechGirls, Wirjiniýa tehniki uniwersiteti bilen hyzmatdaşlykda 2024-nji ýylyň iýul-awgust aýlarynda geçiriljek 24 günlük alyş-çalyş maksatnamasydyr. Bu maksatnamanyň gatnaşyjylary interaktiw tehnologiýalar we kompýuter lagerine gatnaşarlar we soňra ABŞ-nyň şäherlerinden birine gidip (Ostin, Çikago, Sinsinati, Denwer, Detroýt ýa-da Sietl) jemgyýetçilik hyzmatlaryna, gysga möhletli tejribe we medeni çärelere gatnaşmak üçin tehnologiýa kärhanalaryna we ýolbaşçy merkezlerine baryp görerler. Şu maksatnama arkaly gatnaşyjylar aşakda sanawy getirilen ugurlardan taze hünärler bilen tanşarlar:
- Java,
- Web programmirleme,
- Raýat we daş-töweregi inženerlemek,
- Grafik dizaýn,
- Maglumat ylmy,
- Kiberhowpsuzlyk,
- Maşyn öwreniş,
- Molekulýar modellemek we informatika,
- Elektrotehnika / Mikroprosessorlar we
- Python programmirleme
Maksatnamanyň üç hepdelik tapgyryny tamamlanan we Türkmenistana gaýdyp gelenlerinden soňra, gatnaşyjylar öz okuw jaýlarynda 6 aýyň dowamynda iň bolmanda bir bilim taslamasyny geçirmäge we/ýa-da ýerli jemgyýetçilik guramalarynda meýletinçi hökmünde tejribe almaga mümkinçilikleri bolar.
TechGirls barada has giňişleýin maglumat bilen maksatnamanyň web sahypasynda tanşyp bilersiňiz https://techgirlsglobal.org/
Bu maksatnama Döwlet departamenti tarapyndan doly maliýeleşdirilýär şeýle hem içerki we halkara syýahat we wiza çykdajylaryny, syýahatdan öň ediljek harajatlary we maksatnamanyň ABŞ-daky çäreleri bilen baglanyşykly beýleki ähli çykdajylaryny öz içine alýar.
TechGirls maksatnamasynda gatnaşmak üçin gatnaşyjylar:
- maksatnama geçilirýän wagtynda Türkmenistanyň çäginde ýaşaýan Türkmenistanyň raýaty bolmaly
- alyş-çalyş maksatnamasy başlanda gatnaşyjylar 15-17 ýaş aralygynda bolmaly. Ýagny 2007-nji ýylyň 6-njy iyuldan 2009-njy ýylyň 6-njy iyuly aralygynda doglan bolmaly
- tehnologiýa, ylym, inžinerçilik we / ýa-da matematika bilen gyzyklanmany görkezmeli
- ýokary bilim we / ýa-da STEM, esasanam tehnologiýa pudagynda hünäri dowam etdirmegi meýilleşdirýändiklerini görkezmeli
- iňlis dilini pugta bilmeli
- zehinlik, çeýeligi we aç-açanlygy görkezmeli
- maksatnama tamamlanandan soň jemgyýetçilik taslamalary ýerine ýetirmäge taýýar bolmaly.
Möhüm seneler:
Oktýabr 17, 2023: onlaýn anketalaryň kabul edilşi başlanýar
Dekabr 8, 2023: onlaýn anketalaryň kabul edilişi ýapylýar
Fewral 2024: birinji tapgyrdan saýlanan dalaşgärlere habar berilýär we olar bilen söhbetdeşlik geçirilýär
Mart 2024: ahyrky saýlawdan geçen gatnaşyjylaryň we alternatiw dalaşgärleriň sanawy tassyklanylýar we olara habar berilýär.
Iýul – awgust 2024: maksatnama ABŞ-da geçirilýär
Anketalary tabşyrmagyň möhleti
Iňlis dilinde doldurylan anketalar, 8-nji dekabra çenli tabşyrylmaly. Anketalary şu görkezilen salgy boýunça tapyp bilersiňiz Sign In » Legacy International Online Application System (legacyintlleaders.org)
Biz bilen habarlaşmak üçin
Bu maksatnama barada soraglaryňyz bar bolsa, olary mowzuk setirinde “TechGirls” maksatnamasynyň ady bilen AshgabatEducation@state.gov salgysyna hat üsti bilen iberip bilersiňiz.