Türkmenistanyň “Türkmendemirýollary” agentliginiň resmi web saýtynda berlen maglumata görä, otly gatnawlary 2021-nji ýylyň 1-nji fewralyna çenli togtadylýar. Agentlik mundan ozal, otly gatnawlaryny 2021-nji ýylyň 1-nji ýanwaryna çenli duruzypdy.
Hususanda, www.railway.gov.tm internet sahypasynda bu barada şeýle diýilýär.
“Hormatly ýolagçylar!
2021-nji ýylyň fewral aýynyň 01-ne çenli ýolagçy otly gatnawlarynyň togtadylandygy barada habar berýäris” diýlip bellenilýär.
Düýn habar berşimiz ýaly, Türkmenistan dünýä ýurtlaryndaky COVID-19 koronawirus pandemiýasy sebäpli halkara uçar gatnawlaryny wagtlaýynça togtatmagy dowam etdirýär. Bu halkara gatnawlaryň wagtlaýynça togtadylmagy hem-de çäklendirmeler bilen baglanyşykly täze möhletler bilen baglanyşykly “Türkmenhowaýollarynyň” Russiýadaky wekilhanasy “https://turkmenistanairlines.ru/” internet saýtynda täze habar çap edildi. Şol habardan görnüşi ýaly, COVID-19 koronawirus pandemiýasy bilen baglanyşykly awiakompaniýanyň ähli halkara gatnawlarynyň ýatyrylmagy 2021-nji ýylyň 31-nji ýanwaryna çenli uzaldyldy.
Tehnologiýa dünýäsinde bolup geçýän wakalar we täze açyşlar bilen gyzyklanmaýan okyjy ýok bolsa gerek!
