«Türkmentel — 2023» atly XVI halkara maslahatynda çykyş eden “Türkmenaragatnaşyk” agentliginiň ýolbaşçysy Hajimyrat Hudaýgulyýew Türkmenistanda ilatly nokatlaryň ýokary tizlikli internet bilen üpjün edilendigini mälim etdi.
Onuň bellemegine görä, “Türkmenaragatnaşyk” agentligi bilen Yslam öüş banky aragatnaşyk hyzmatlaryny kämilleşdirmek babatda umumy bahasy 273 million dollara barabar birnäçe taslamalary durmuşa geçirdi.
– Şonuň netijesinde, ilatly nokatlar ýokary tizlikli internet bilen üpjün edildi. Munuň üçun dürli tehnologiýalar ulanylyp, şol sanda biziň emele hemramyzyň mümkinçiliklerinden peýdalanyldy – diýip, “Türkmenaragatnaşyk” agentliginiň ýolbaşçysy belledi.
“Türkmenaragatnaşyk” agentliginiň ýolbaşçysynyň bellemegine görä, häzirki wagtda ýurdumyzda internetden peýdalanýanlaryň umumy sany 3148718 adama deňdir. Onuň 421609-sy kabel arkaly, 2727569-sy bolsa, mobil internetden peýdalanýar.
Şeýle hem Türkmenistanda häzirki wagtda maglumat geçiriji döwletara optiki-süýümli ulgamlaryň 8-si hereket edýär.
Mundan başga-da, Balkan welaýatynyň Garabogaz geňeşliginden Gazagystan Respublikasynyň Teýmir baba ilatly nokadyna çenli, Balkan welaýatynyň Etrek etrabyndan Eýran Yslam Respublikasynyň Kummet Kowus ilatly nokadyna çenli, şeýle hem Hazar deňziniň aşagyndan optiki-süýümli ulgamlary çekmek meýilleşdirilýär.