Türkmenistanyň Prezidentiniň sanly ulgam arkaly geçirilen Ministrler Kabinetiniň giňişleýin mejlisinde awgust aýynda göz öňünde tutulan çäreler barada aýdylyp geçildi.
“Watan” habarlar gepleşiginde bellenilip geçilişi ýaly, 1-nji awgustda ýurdumyzda ähli ýolbaşçylar zähmet rugsady çykýar. Emma muňa garamazdan, birnäçe möhüm çäreleri geçirmek göz öňünde tutulýar.
- 1-nji awgustda “Awaza” milli syýahatçylyk zolagynda “Rowaç” kottežler toplumy açylar.
- 3-nji awgustda halkara ralli ýaryşyynda we agyr atletika boýunça Aziýa çempionatynda ýeňiji bolan türgenler sylaglanar.
- 5-nji awgustda Türkmenistanyň Milli Geňeşiniň Mejlisiniň Başlygy Balkan welaýatynyň Esenguly etrabynda gurlan “Arkadagly nesiller” atly döwrebap çagalar dynç alyş merkeziniň açylyş dabarasyna gatnaşar.
- 8-nji awgustda möhüm Demirgazyk-Günorta ulag ýolunyň ugrunda Balkan welaýatyndaky Garabogazköl aýlagynyň üstünden geçjek täze uly köprüniň düýbüniň tutmak dabarasy bolar.
- 15-16-njy awgustda deňze çykalgasy bolmadyk ösüp barýan döwletleriň ulag ministrleriniň derejesindäki halkara maslahaty geçiriler.