BIZNES

Türkmenistan Ýaponiýadan awtoulag we tehnika satyn alar

Türkmenistanyň Döwlet daşary ykdysady iş banky ýakyn günlerde Ýaponiýadan satyn alynjak «Toyota» kysymly awotulaglary hem-de «Komatsu» kysymly ýer gazyjy tehnikalaryny maliýeleşdirmäge gatnaşar.

Täze tehnikalary satyn almak barada barada Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenawtoulaglary» agentligi bilen Ýaponiýanyň  «Sumitomo Сorporation” kompaniýasynyň, şeýle hem Türkmenistanyň Suw hojalygy baradaky döwlet komiteti bilen Ýaponiýanyň «Itoсhu Corporation» kompaniýasynyň arasynda degişli şertnamalar baglaşyldy.

Şertnamalarda awotoulag we ýer gazyjy tehniki serişdeleriniň ätiýaçlyk şaýlaryny hem satyn almak göz öňünde tutulýar.

Baglaşylan şertnamalar Niderlandlar Patyşalygynyň ING bankynyň Germaniýa Federatiw Respublikasynyň Frankfurt şäherindäki «ING-Diba AG» şahamçasyndan alynjak karz serişdeleriniň hasabyna maliýeleşdiriler. Munuň üçin Türkmenistanyň Döwlet daşary ykdysady iş banky bilen ýokarda görkezilen bankyň şahamçasynyň arasynda iki karz ugrunyň taýýarlanmagy boýunça Özara düşünişmek hakyndaky Ähtnama Türkmen tarapyndan gol çekildi.

Çeşme:tfeb.gov.tm

Türkmenistandan Türkiýä gynanç

 

 

Ýene-de okaň

Tramp: ABŞ Pakistanda nebit gözlär

Azerbaýjanyň tebigy gazy Siriýa iberilip başlanýar

Türkmenistan Türkiýä tebigy gaz ibermekde öňdäki orunlary eýeleýär

Türkmenistan bilen Azerbaýjanyň söwda hyzmatdaşlygy ösdürilýär

Ukraina Azerbaýjadan tebigy gaz satyn almak isleýär

Eýran goňşy ýurtlara otly gatnawlaryny ýola goýar