Ozal hem habar berşimiz ýaly, Türkmenistanyň tebigy gazyny Türkiýe Respublikasyna “swop” usuly bilen ugratmak işi ýola goýuldy.
Häzirki wagtda Türkiýäniň Energiýa bazaryny düzgünleşdiriş geňeşiniň (EPDK) maglumatlaryna görä, 2025-nji ýylyň maý aýynyň görkezijilerine laýyklykda, Türkmenistan Türkiýä tebigy gaz ibermekden 5-nji orny eýeledi. Türkmen tebigy gazynyň eksporty 120.03 million kubmetre deň boldy.
Umuman, maý aýynda Türkiýe 3 milliard 539,11 million kub metr gaz import etdi. Şolardan turbageçiriji arkaly getirilen gaz 3 milliard 161,31 million kub metri (umumy üpjünçiligiň 89,32%-i, 35,3% ösüş), suwuklandyrylan tebigy gaz (LPG) bolsa 377,81 million kub metri düzdi.
Maý aýynda Türkiýä gaz 6 ýurtdan getirilipdir: Azerbaýjan, Russiýa, Eýran we Türkmenistan gazyny turbageçiriji arkaly, ABŞ we Alžir bolsa LPG görnüşinde üpjün etdi.
Türkiyä energiýa çeşmelerini diwersifikasiýa etmegini dowam etdirýär we Türkmenistanyň bu işe gatnaşmagy sebitdäki energiýa bazaryndaky ornunyň artýandygyny görkezýär.