JEMGYÝET

Türkmenistan ŞHG-niň hökümet Baştutanlarynyň mejlisine gatnaşdy

Şanhaý hyzmatdaşlyk guramasynyň agza-döwletleriniň Hökümet baştutanlarynyň (premýer-ministrleriniň) geňeşiniň mejlisi wideoaragatnaşyk ulgamy arkaly geçirildi.

Mejlise ŞHG-nyň agza-döwletleriniň we ŞHG-nyň ýanyndaky synçy-döwletleriň ýokary derejeli wekilleri gatnaşdylar.

Türkmenistanyň Ministrler Kabinetiniň Başlygynyň Orunbasary, Daşary işler ministri Raşid Meredow mejlise myhman hökmünde gatnaşdy.

Mejlisiň barşynda oňa gatnaşyjylar ŞHG-nyň işiniň derwaýys ugurlary boýunça meseleleriň giň toplumyny, şol sanda syýasat we howpsuzlyk ulgamyndaky hyzmatdaşlygy, söwda-ykdysady we medeni-ynsanperwer ugry boýunça özara hereketleri ara alyp maslahatlaşdylar. Saglygy goraýyş, ylmy barlaglar we ýurtlaryň pandemiýadan soňky döwürde durmuş-ykdysady taýdan dikeldilmegi ulgamyndaky özara hereketleriň işjeňleşdirilmegine aýratyn ähmiýet berildi. Çökgünlige garşy göreşmek ulgamyndaky halkara dolandyrylyşynyň kämilleşdirilmeginiň, Bütindünýä Saglygy goraýyş guramasynyň we beýleki halkara düzümleriniň ähmiýetiniň pugtalandyrylmagynyň zerurlygy bellenilip geçildi.

Gatnaşyjylar umumydünýä gymmatlyklarynyň, ilkinji nobatda BMG-niň Tertipnamasynyň goragy hem-de bölünmeýän, toplumlaýyn we ygtybarly howpsuzlygyň üpjün edilmegi ugrunda çykyş edýän ŞHG-nyň aýratyn ähmiýete eýe bolup durýandygyny bellediler. Taraplar özara hormat goýmak, adalatlylyk we özarabähbitli hyzmatdaşlyk ýörelgelerine daýanýan halkara gatnaşyklarynyň ilerledilmeginiň zerurlygyny nygtadylar.

Duşuşykda çykyş eden Türkmenistanyň DIM-niň ýolbaşçysy halkara giňişliginde ŞHG-nyň barha ýokarlanýan abraýy hakynda belläp geçdi we Türkmenistanyň bu gurama bilen hyzmatdaşlygynyň ileri tutulýan ugurlaryny beýan etdi. Ylmy alyş-çalyşlar we saglygy goraýyş hem-de lukmançylyk ugry boýunça hyzmatdaşlyk, şol sanda ulag-üstaşyr we energetika taslamalary arkaly integrasiýa hereketlerine ýardam bermek hyzmatdaşlygyň geljegi uly ugurlarynyň hatarynda durýandyr. Şonuň ýaly-da türkmen tarapynyň ŞHG-nyň platformasynda medeni-ynsanperwer gatnaşyklary ösdürmäge hem gyzyklanma bildirýändigi bellenilip geçildi.

 

 

Syýahatçylyk Sahypamyz

Global pandemiýa şertleri tamamlanandan soňra haýsy ýurda syýahata gitsem diýýänler we syýahat etmegi söýýänleriň sahypasy

 

Ýene-de okaň

“Aga gurluşyk” hususy kärhanasy Azerbaýjanyň Fizuli şäherinde metjit gurar

Ata Watan Eserleri

Türkmenistanyň Mejlisinde Irlandiýa Respublikasynyň ilçisi ynanç hatyny gowşurdy

Türkmenistanyň Prezidenti Hytaý Halk Respublikasynyň ýolbaşçylaryny gutlady

EKSPO-2025: Türkmenistanyň pawilýony 2 milliondan gowrak myhmany kabul etdi

Ata Watan Eserleri

Stanfordly türkmen alym: “Makul Sözlük” – nesiller bilen diaspora arasynda gurlan täsin bir köprüdir

Antoniu Guterriş Türkmenistany Garaşsyzlyk güni bilen gutlady

Ata Watan Eserleri