Türkmenistan bilen Germaniýanyň arasynda ulgamlaýyn hem-de uzak möhletleýin esasda ösdürilýän gatnaşyklar dürli ylalaşyklaryň we şertnamalaryň 90-syny öz içine alýan berk hukuk binýadyna esaslanýar. Bu barada “Türkmenistan” gazetinde habar berilýär.
- Şu ýylyň sekiz aýynyň jemleri boýunça Türkmenistan bilen GFR-iň haryt dolanyşygy 210 million amerikan dollaryna deň boldy. Munuň özi, geçen ýylyň degişli döwri bilen deňeşdirilende, 63 göterim ýokarydyr.
- 1995 — 2023-nji ýyllarda türkmen-german özara haryt dolanyşygynyň möçberi 6,7 milliard amerikan dollaryna deň boldy.
- Häzirki wagtda ýurdumyzyň dokma pudagyndaky tehnologik enjamlaryň umumy möçberiniň 25 göterimden gowragy german kompaniýalarynyň paýyna düşýär.
- Hyzmatdaşlyk ýyllarynda Türkmenistana umumy bahasy 468 million ýewrodan gowrak bolan «CLAAS» kysymly oba hojalyk tehnikalarynyň we olaryň ätiýaçlyk şaýlarynyň 5 müňden gowragy iberildi.
- 2023-nji ýylyň noýabrynda Berlin şäherinde geçirilen Türkmen-german işewürlik maslahatynda 20 sany ikitaraplaýyn resminama, şol sanda «2024-2025-nji ýyllar üçin Türkmenistan bilen Germaniýanyň arasynda ykdysady hyzmatdaşlygy ösdürmegiň «Ýol kartasyna» gol çekildi.
- Türkmenistanda nemes dilini öwrenýänleriň sany 30 müňe ýetýär.
- Germaniýanyň dürli şäherlerinden halkymyzyň edebi-taryhy mirasyna degişli gymmatly golýazmalaryň 100-e golaýy ýurdumyza getirildi.