Şu gün Gyrgyz Respublikasynyň paýtagty Bişkek şäherinde Garaşsyz Döwletleriň Arkalasygynyň düzümine girýän döwletleriň daşary syýasat edaralarynyň ýolbaşçylarynyň geňeşiniň mejlisi geçirilýär. Oňa Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredow gatnaşýar.
Bu mejlis ertir, ýagny 13-nji oktýabrda geçiriljek Garaşsyz Döwletleriň Arkalasygynyň düzümine girýän döwletleriň Baştutanlarynyň geňeşiniň mejlisiniň öňüsyrasynda guralýar.
Gyrgyz Respublikasynyň daşary işler ministri Žeenbek Kulubaýewiň başlyklyk etmeginde geçirilýän duşuşyga Russiýanyň daşary işler ministri Sergeý Lawrow, Azerbaýjanyň daşary işler ministri Jeýhun Baýramow, Özbegistanyň daşary işler ministri Bahtiýor Saidow, Täjigistanyň daşary işler ministri Sirojiddin Muhriddin,m Gazagystanyň daşary işler ministri Murat Nurtleu, Belarusyň daşary işler ministri Sergeý Aleýnikow, GDA-nyň baş sekretary Sergeý Lebedew gatnaşýar.
GDA-nyň daşary syýasat edaralarynyň ýolbaşçylary guramanyň çäklerindäki söwda-ykdysady, medeni-ynsanperwer ugurdaky hyzmatdaşlyk gatnaşyklaryny ara alyp maslahatlaşdy.
Şeýle hem Garaşsyz Döwletleriň Arkalasygynyň düzümine girýän döwletleriň Baştutanlarynyň geňeşiniň mejlisiniň gün tertibindäki meseleler boýunça pikir alyşdylar.