Türkmenistanyň raýat awiasiýasyny ösdürmegiň 2030-njy ýyllar üçin Milli maksatnamasy laýyklykda, Türkmenistanyň Prezidentiniň parasatly baştutanlygynda maksatnamalaýyn çäreler durmuşa geçirilýär. Ýurdumyzyň howa gämileriniň parky giňeldilip, dürli görnüşli ýokary amatlyklary bolan täze döwrebap ýolagçy howa gämileri yzygiderli satyn alynýar. Bu barada “Türkmenhowaýollary” agentliginiň resmi sýaty habar berýär.
4-nji dekabrda Türkmenistanyň Prezidentiniň degişli Kararyna laýyklykda, Amerikanyň Birleşen Ştatlaryň «Boenig» kompaniýasyndan satyn alnan «Boeing-777-300ER» kysymly iki sany täze ýolagçy howa gämileriniň biri Aşgabat halkara howa menziline getirildi.
«Türkmenhowaýollary» agentliginiň ýolagçy howa gämileriniň parkynyň üstüni ýetiren bu täze «Boeing-777-300ER» kysymly döwrebap uçar 368 ýolagça niýetlenilendir. Ondaky orunlaryň 40-sy biznes, 32-si premium ykdysadyýet we 296-sy ykdysadyýet synpyna degişlidir. 2 sany «GE90-115BL2» görnüşli hereketlendiriji ornaşdyrylan bu uçaryň uçuş uzaklygy 11 390 km deň bolup, 40 tonna çenli göwrümli ýük bilen halkara gatnawlary bökdençsiz ýerine ýetirip bilýär.
Satyn alnan ýolagçy gämisiniň ikinjisi ýakyn wagtlarda ýurdumyza getiriler.
Häzirki zaman howa gämileriniň ulanyşa goýberilmegi halkymyzyň halkara howa gatnawlaryna bolan isleglerini kanagatlandyrmaga hem-de ýurdumyzyň howa gämileriniň gatnawlarynyň geografiýasyny giňeltmäge şertleri döreder.