Türkmenistanyň Belgiýadaky ilçisi Sapar Pälwanow Ykdysady ösüş gaznasynyň we Türkiýäniň Palatalar we biržalar birleşiginiň Brýusseldäki hemişelik wekili Haluk Nuraý bilen duşuşdy.
Duşuşygyň maksady, Türkmenistan bilen Türkiýäniň arasyndaky ykdysady hyzmatdaşlygy, şeýle hem bu ýurtlaryň Ýewropa bazaryndaky mümkinçiliklerini ara alyp maslahatlaşmakdan ybarat boldy.
Taraplar Türkiýäniň Brýusseldäki iş amallary we TürkmenistanyňÝewropa bazaryna çemeleşmeleri babatda gymmatly pikirler we tejribe alyşdylar.
Mundan başga-da, söhbetdeşler Türkmenistan bilen Türkiýäniň arasyndaky ykdysady gatnaşyklary çuňlaşdyrmagyň mümkinçiliklerini ara alyp maslahatlaşdylar.
Ara alyp maslahatlaşmagyň dowamynda Türkmenistanyň önümleriniň Ýewropa bazarlaryna çykarylmagy üçin mümkinçilikler, şeýle hem Türkiýäniň Brýusselde söwda tejribesi barada pikir alşyldy.
Şeýle hem, Türkmenistan we Türkiýe üçin Ýewropa bazaryna elýeterliligi gowulandyrmagyň strategiýalaryny ara alyp maslahatlaşdylar.