2025-nji ýylyň 15-nji iýulynda Türkmenistanyň daşary işler ministri Raşid Meredow bilen Ruanda Respublikasynyň daşary işler we halkara hyzmatdaşlygy ministri Oliwve Nduhungirehanyň arasynda telefon arkaly söhbetdeşlik boldy.
Telefon söhbetdeşliginde ikitaraplaýyn gatnaşyklaryň esasy ugurlary we BMG-niň Deňze çykalgasy bolmadyk ösüp barýan ýurtlar boýunça üçünji maslahatyna (LLDC 3) taýýarlyk meseleleri ara alnyp maslahatlaşyldy.
Daşary syýasat edaralarynyň ýolbaşçylary 2025-nji ýylyň 14-nji iýulynda diplomatik gatnaşyklaryň ýola goýulmagyna ikitaraplaýyn hyzmatdaşlygy ösdürmek üçin esas hökmünde baha berdiler.
Ozal hem habar berşimiz ýaly, Nýu-Ýork şäherinde Türkmenistanyň Birleşen Milletler Guramasynyň ýanyndaky Hemişelik wekilhanasynyň edarasynda Türkmenistan bilen Ruanda Respublikasynyň arasynda diplomatik gatnaşyklary ýola goýmak hakynda Bilelikdäki Beýanata gol çekişlik dabarasy geçirilipdi.