2023-nji ýylyň ýanwar-oktýabr aýlarynda Türkmenistan bilen Özbegistanyň arasyndaky söwda dolanyşygy 939,1 million dollar boldy diýip, Özbegistanyň Prezidentiniň ýanyndaky Statistika gullugy habar berýär.
Şol bir wagtyň özünde Özbegistany[ önümleriniň Türkmenistana eksporty 143,7 million dollar, Türkmenistandan import 775,5 million dollar diýlip çaklanylýar.
Maglumatlara görä, Türkmenistan Özbegistanyň iň uly söwda we ykdysady hyzmatdaşlarynyň hatarynda öňdäki orunlary eýeleýär.
Häzirki wagtda Özbegistan dünýäniň 198 ýurdy bilen söwda gatnaşyklaryny alyp barýar. Daşary söwda dolanyşygynyň iň uly mukdary Hytaý (21,2%), Russiýa (15,6%) bilen hasaba alyndy.
Özbegistanyň GDA ýurtlary bilen daşary söwda dolanyşygynyň iň uly mukdary Russiýa (47,3%), Gazagystan (21,4%) we Türkmenistan (5,6%) bilen hasaba alyndy.
Umuman alanyňda, 2023-nji ýylyň ýanwar-oktýabr aýlarynyň netijelerine görä, Özbegistana 175 ýurtdan harytlar we hyzmatlar getirildi. Importuň üçden iki böleginiň gowragy Hytaý, Russiýa, Gazagystan, Koreýa Respublikasy, Türkiýe, Germaniýa we Türkmenistan ýaly iri hyzmatdaş ýurtlaryň paýyna düşýär.