Türkmenistanyň Daşary işler ministri Raşid Meredow bilen ýurdumyzdaky diplomatik işini tamamlaýan Awstriýa Respublikasynyň Türkmenistandaky Adatdan daşary we Doly ygtyýarly Ilçisi (ýerleşýän ýeri Nur-Soltan ş.) Gerhard Saýller bilen telefon arkaly söhbetdeşligi geçirildi.
Söhbetdeşligiň barşynda ministr türkmen-awstriýa gatnaşyklarynyň ösdürilmegi we pugtalandyrylmagy ugrundaky netijeli işi we ähmiýetli goşandy üçin Ilçä minnetdarlyk sözlerini beýan etdi.
Mälim bolşy ýaly, iki ýurduň arasynda saldamly şertnama-hukuk binýady bar, şeýle-de parlamenatara gatnaşyklary, söwda-ykdysady we medeni-ynsanperwer ulgamlar ýaly ileri tutulýan ugurlarda işjeň hyzmatdaşlyk saklaýarlar. Şol bir wagtyň özünde Awstriýa-Türkmen Jemgyýeti netijeli hereket edýär, iki ýurduň ýokary okuw mekdepleriniň arasynda akademiki gatnaşyklar hem sazlaşykly ýola goýuldy.
Ilçi G.Saýller öz gezeginde Türkmenistan bilen Awstriýa Respublikasynyň arasyndaky ikitaraplaýyn hyzmatdaşlygyň ösdürilmeginde beren hemmetaraplaýyn goldawy üçin türkmen tarapyna minnetdarlygyny bildirdi.