Ozal hem habar berşimiz ýaly, «Ýüpek ýoly – 2023» rallisi Russiýa Federasiýasynyň Tatarystan Respublikasynyň paýtagty Kazan şäherinde badalga aldy. Bu abraýly ýaryşa Türkmenistanyň türgenleri hem gatnaşyar.
Ralliniň ilkinji tapgyrynda oňa gatnaşyjylar 142 kilometrlik menzili geçdiler. “T2” kategoriýasynda ýaryşýan türkmen türgenleri ilkinji tapgyry üstünlikli geçdiler. Bu kategoriýada häzirlikçe öňdeligi “LADA Sport ROSNEFT Raid” toparyndan Dmitriý Woronow eýeleýär. Olary rus türgenler Anton Melnikow we Ýewgeniý Suhowenko bilen Maksatmyrat Daňatarow we Merdan Toýlyýew yzarlaýar.
Ýaryşyň şu gün guraljak ikinji tapgyry Ufa — Magnitagorsk ýol ugry boýunça geçer. Tapgyr Ural dagynyň eteginden badalga alar. Soňra ekipažlara tehnikanyň ähli güýjüni ulanyp, ýokary tizlikde geçilmeli ýol — Aziýanyň çäginden uzaýan ugur garaşýar.