Fransiýa, Portugaliýa we Belgiýanyň ýygyndylaryndna soňra Türkiýe, Ispaniýa we Şotlandiýa 2024-nji ýylda geçiriljek futbol boýunça Ýewropa çempionatyna gatnaşmaga hukuk gazandy. Häzirki wagtda bu ýaryş üçin saýlama duşuşyklary geçirilýär.
“A” toparçada çykyş edýän Ispaniýanyň ýygyndysy Norwegiýany Oslo şäherinde geçirilen duşuşykda 1:0 hasbaynda utdy. Şeýlelikde, 6 duşuşykda 15 utuk jemlän Ispaniýa Ýewropa çempionatyna gatnaşmak hukugyna eýe boldy. Ispaniýanyň bu gazanan ýeňşi Şotlandiýany hem begendirdi. Şotlandiýa hem toparçada ikinji orny eýeläp, Ýewropa çempionatyna gatnaşmak hukugyny eýeledi.
Horwatiýany 1:0 hasabynda ýeňen Türkiýäniň milli ýygyndysy bu gezek Latwiýany 4:0 hasabynda utdy. Şeýlelikde, Türkiýäniň ýygyndysy 6-njy gezek Ýewropanyň çempionatyna çykyş etmek mümkinçiligine eýe boldy.
Türkiýäniň ýygyndysy bu çempionata gatnaşmak bilen 9 million 250 müň ýewrolyk ilkinji girdejisine eýe boldy. UEFA tarapyndna geljek ýyl Germaniýada geçiriljek Ýewropa çempionatynda 24 milli ýygynda jemi 371 million ýewro möçberinde pul baýraklary berler.
Çempionata gatnaşmaga hukuk gazanan ýygyndylara 9.25 million ýewro berilýär. Çempionat döwründe her bir ýeňiş gazanylan duşuşyk üçin 1.5 million ýewro, deňme-deň tamamlan duşuşyklarda milli ýygyndylara 750 müň ýewro berilýär.
Çempionatda öz toparçasyndan soňky tapgyra çykan ýygyna 2 million ýewro, çärýek finala çykan ýygyndylara 3,25 million ýewro, ýarym finala gatnaşmak hukugyna eýe bolan ýygynda 5 million ýewro berler.
Çempionatda ikinji orny eýelän ýygynda 7 million ýewro, birinji bolan ýygynda 10 million ýewro tölener. Şeýlelikde, çempion bolan topar umumylykda, 30 million ýewro golaý girdeji gazanýar.
Ýewropa çempionatynyň pul baýragy soňky 10 ýylda 135 millin ýewro artdyryldy.