Türkiýe Respublikasynyň serhetlerdäki gözegçilik nokatlarynda “COVID-19” üçin barlag kepilnamasynyň talap ediljekdigi mälim edildi. Bu barada Türkiýe Respublikasynyň Türkmenistandaky ilçihanasynyň resmi internet sahypasynda beýan edildi.
Şol habarda, ýurduň ygtyýarly edaralary tarapyndan ýurduň serhet gözegçilik nokatlaryndan geçilende
“COVID-19” üçin “PCR” barlag kepilnamasy bilen baglanyşykly talaplar aşakda beýan edilýär:
– Dünýä howp salmagyny dowam etdirýän “COVID-19” pandemiýasy barada aýdylanda bolsa, biziň ýurdumyzda we dünýädäki iň häzirki zaman ylmy ösüşler we tejribeler öwrenilýär we şonuň çäklerinde ýurtda onuň gözegçiligi babatda degişli çäreler amala aşyrylýar.
– Dünýäde “COVID-19” pandemiýasy we bu ýokanç bilen baglanyşykly wakalaryň köpelmegi dowam edýär. Mundan başga-da, ýakyn gyş aýlarynda damja ýoly bilen baglanyşykly keselleriň ýaýramagynyň ýokarlanmagyna garaşylýar.
– Şu nukdaýnazardan, “Covid-19” ýokanjynyň wakalarynyň gözegçiliginiň üpjün edilmegi bilen baglanyşykly; 2020-nji ýylyň 30-njy dekabrynda Türkiýäniň wagty bilen 00:00-dan başlap, ýurda deňiz, howa, guryýer arkaly gelýän adamlaryň soňky 72 sagadyň dowamynda “SARS-CoV-2” ýokanjy bilen baglylykda negatiw netijeli barlag kepilnamasynyň görkezilmegi zerur bolup durýar.
– “PSR” barlagynyň negatiw bolmaýan adamlaryň Türkiýe gelenlerinde uçara goýberilmeýär, serhet nokatlarynda negatiw netijeli kepilnamasyny resmi ygtyýarly wekillere görkezmedik raýatlar galjak salgylarynda karantin çärelerine tabyn bolarlar, myhman ýeri bolmadyk adamlar bolsa welaýat Saglyk müdürligi tarapyndan kesgitlenen ýerlerde karantin çärelerine tabyn bolarlar. Karantin döwrüniň 7-nji gününden barlagdan geçiriler we barlag netijeleri negatiw çykanlaryň karantin çäreleri tamamlanar, pozitiw çykan adamlar bolsa Saglygy goraýyş ministrliginiň tassyklan bejergi çäreleriniň çäklerinde bejergi alarlar.
– Türkiýä uçar bilen gelýän adamlar üçin 6 ýaşdan ýokary ähli ýolagçylar, üstaşyr geçýän ýolagçylar üçin kepilnama almak zerur bolup durýar.
Bu kepilnama talap etmek işiniň möhleti 2021-nji ýylyň 1-nji martynda çenli dowam eder. Ýurduň raýatlaryna hem-de myhmanlaryna uly hormat bilen duýdurylýar.
Ýurdumyzyň sungat ussatlary bilen taýýarlanan bir-birinden gyzykly söhbetdeşlikleri bu sahypamyzdan okap bilersiňiz!
