2024-nji ýylyň başynda kosmos giňişligine çykjak Türkiýe Respublikasynyň ilkinji kosmonawty belli boldy. Bu barada senagat we tehnologiýa ministri Mehmet Fatih Kajyr habar bardi.
Ministriň bellemegine görä, Alper Gezerawjy 2024-nji ýylyň 9-njy ýanwarynda kosmos giňişligine çykar.
Türkiýeli kosmonawt Halkara kosmos bekedinde Ispaniýanyň, Italiýanyň hem-de Şwesiýanyň astronawtlary bilen bilelikde işlär.
Türkiýe Respublikasynyň ilkinji kosmonawtynyň kosmos sapary 14 gün dowam eder. Ol bu döwürde Halkara kosmos bekedinde 13 sany barlag işini alyp barar. Türkiýäniň kosmonawtlary Amerikanyň Birleşen Ştatlarynda tälim aldylar.
Türkiýe Respublikasy kosmos giňişligini öwrenmek üçin 5 ýyl mundan ozal, Kosmos agentligini esaslandyrdy.