Türkiýäniň “Galatasaraý” topary Italiýanyň “Napoli” toparyndan nigeriýaly futbolçy Wiktor Osimheni satyn aldy. Geçen möwsüm bu toparda kärendesine oýnan Wiktor Osimhen üçin 75 million ýewro tölendi. Nigeriýaly futbolçy 4 ýyllyk şertnama baglaşdy.
Türk toparynyň satyn alan bu futbolçysy Türkiýäniň futbol taryhynyň iň gymmat futbolçysy boldy. Mundan ozalky rekord 2024-nji ýylyň tomsunda gazanylypdy. Şonda “Fenerbahçe” topary Ispaniýanyň “Sewilýa” toparyndan Marokkonyň futbolçysy Ýussef En-Nesirini 19.5 million ýewro satyn alypdy.
26 ýaşyndaky Osimhen geçen ýyl “Galatasaraýda” kärendesine oýnap, 41 duşuşykda 37 gol geçirdi. Ol Türkiýäniň futbol çempionatynyň geçen möwsümdäki iň köp gol geçiren futbolçysy boldy.