Ozal hem habar berşimiz ýaly, düýn Kuraş boýunça dünýä çempionatynyň açylyş dabarasy geçirildi. 14-nji gezek geçirilýän dünýä çempionatyny paýtagtymyz Aşgabat kabul edýär.
Olimpiýa şäherçesindäki 5 müň orunlyk başa-baş söweş sungaty sport toplumynda dünýä çempionatynyň açylyş dabarasy geçirildi. Şol dabarada dünýä çempionatyna gatnaşýan döwletler tanyşdyryldy. Bu çempionata gatnaşýan ýurtlaryň hatarynda Türkiýe Respublikasy hem bar.
Türkiýe Respublikasy dünýä çempionatyna 4 zenan türgen bilen gatnaşýar. Zenan türgenleriň hatarynda Ýewropa çempiony bolan türgen hem bar. Eje Zurnajy kuraş boýunça Ýewropa çempionatynda baýrakly orunlara mynasyp bolan türgenleriň biridir.
Türkiýe Respublikasynyň Ösüş bärýan sport görnüşleri federasiýasynyň ýolbaşçysy Hasan Öztürk bilen açylyş dabarasynda gurnan söhbetdeşligimizde Türkiýede kuraş sportunyň okgunly ösüşe eýe bolýandygyny belläp, Türkiýede milli hem-de halkara derejesinde kuraş sporty boýunça dürli ýaryşlaryň gurnalýandygyny belledi.
Hasan Öztürk türk zenan türgen bilen dünýä çempionatyna gatnaşýandyklaryny belläp, çempionatdna baýrakly orunlary eýeläp, öz ýurduna dolanmagy maksat edinýändiklerini belledi.
Aşgabatda geçirilýän dünýä çempionatynyň ýaryşlary 27-28-nji noýabrda geçiriler. Tele we radio ýaýlymlar, Internet saýtlary we gazetler arkaly çempionat baradaky dürli habarlar, wideogörnüşler we beýlekiler Ýer ýüzüniň ýaşaýjylarynyň 1,5 milliardyna ýetiriler.