Türkmenistanyň Prezidenti Ministrler Kabinetiniň sanly wideoaragatnaşyk arkaly nobatdaky mejlisini geçirdi. Mejlisde Türkmenistanyň Prezidenti Türkmenbaşydaky nebiti gaýtadan işleýän zawodlar toplumynda 2 sany täze gazturbinany gurmak we elektrik bekediniň durkuny täzelemek barada Karara gol çekdi. Bu Karar, Türkmenistanyň Prezidentiniň ýurdumyzy 2019 — 2025-nji ýyllarda durmuş-ykdysady taýdan ösdürmegiň Maksatnamasyna laýyklykda, Türkmenbaşydaky nebiti gaýtadan işleýän zawodlar toplumynyň öňünde goýlan wezipeleri üstünlikli durmuşa geçirmek, şeýle hem tehnologik desgalary abat saklamak, olary bökdençsiz işletmek maksady bilen gol çekildi.
Çalik enerji täze taslamany durmuşa geçirer
Resminama laýyklykda, Türkmenbaşydaky nebiti gaýtadan işleýän zawodlar toplumyna şu toplumda 2 sany täze gazturbinany gurmak we elektrik bekediniň durkuny täzelemek barada Türkiýe Respublikasynyň «Çalik Enerji Sanayi ve Ticaret A.Ş.» kompaniýasy bilen şertnamany, desgany 18 aýyň dowamynda ulanmaga doly taýýar edip tabşyrmak şertinde öz serişdeleriniň hasabyna baglaşmaga ygtyýar berildi.
Çalik Enerji kompaniýasy häzire çenli Türkmenistanda birnäçe gaz turbinalay elektrik stansiýasynyň gurluşygyny üstünlikli tamamlady.
ykdysadyýet ulgamyna degişli habarlar okamak üçin
Aşgabat-Stambul uçar gatnawlarynda täze möhlet
Bäsleşik : 25 baýrak we jemi 25.000,00 manat möçberinde pul baýraklary
