SPORT

Türk futbolçylary Ýewropa çempionatyna Türkiýede we Germaniýada taýýarlanar

Ýewropa çempionatyna gatnaşmaga hukuk gazanan Türkiýäniň futbol ýygyndysynyň taýýarlyk döwrüniň rejenamasy şu gün ― 20-nji aprelde belli boldy.

Türkiýäniň Futbol federasiýasyndan berlen maglumata görä, milli ýygyndy 11-nji iýun ― 11-nji iýul aralygynda geçiriljek Ýewropa çempionatynyň taýýarlygy üçin 17-nji maýda ýygnanyp, Antalýadaky «Regnum Carya» myhmanhanasynda ýerleşer.

Türk futbolçylary 27-nji maýda «Alanýa Oba» stadionynda Azerbaýjanyň, 31-nji maýda «Antalýa» stadionynda Demirgazyk Irlandiýanyň ýygyndylary bilen ýoldaşlyk duşuşyklaryny geçirerler.

2-nji iýunda Germaniýanyp Harsewinkel etrapçasyndaky «Klosterpforte» myhmanhanasyna ýerleşip, okuw-türgenleşik ýygnanyşygyny bu ýerde dowam etdirjek Türkiýäniň ýygyndysy 3-nji iýunda Moldowanyň ýygyndysy bilen ýoldaşlyk duşuşygyny geçirer.

Türkiýeli futbolçylar 10-njy iýunda Rim şäherine barar. Mälim bolşy ýaly, bir ýyl soňa süýşürilen Ýewro ― 2020-niň açylyş duşuşygy Italiýanyň we Türkiýäniň milli ýygyndylarynyň arasynda bolar.

 

Türkmen pomidorlary Wenanyň bazarynda

 

 

Ýene-de okaň

III GDA Oýunlaryna gatnaşyjy ýurtlaryň sany 10-a ýetdi

Milletler Kubogy 2025: Türkmenistanyň milli ýygyndysynyň düzümi mälim boldy

Ronaldonyň özboluşly täze rekordy

Ronaldo ýene-de kubok gazanmak başartmady

Zenanlar futbolynyň iň gymmat transferi

AFK Çempionlar ligasy-2: “Arkadag” we “Ahal” klublaryň duşuşyklarynyň seneleri