Ýewropada Howpsuzlyk we hyzmatdaşlyk guramasynyň täze baş sekretayr wezipesine ozalky Türkiýäniň daşary işler ministri we Türkiýäniň BMG-niň ýanyndaky hemişelik wekili Feridun Sinirliogly saýlandy.
– Ýewropada Howpsuzlyk we hyzmatdaşlyk guramasynyň täze ýolbaşçy düzümini gutlaýaryn. Feridun Sinirliogly guramanyň baş sekretary wezipesine saýlandy. Guramanyň Demokratik institutlary we adam hukuklary býurosynyň başlyklygyna Kristof Kamp, milli azlyklar boýunça ýokary komissary wezipesine Ýan Bratu saýlandy – diýip, Ýewropada Howpsuzlyk we hyzmatdaşlyk guramasynyň häzirki döwürleýin başlygy, Maltanyň daşary işler ministri Ýan Borg habar berdi.
Ilkinji gezek bir türk diplomaty Ýewropada Howpsuzlyk we hyzmatdaşlyk guramasynyň baş sekretary wezipesine saýlandy. Baş sekretar 3 ýyllyk möhlete saýlanýar.
Feridun Sinirliogly 2015-nji ýylda döredilen wagtlaýyn hökümetiň daşary işler ministri bolupdy. Şeýle hem ol köp ýyllaryň dowamynda daşary işler ministriniň orunbasary wezipesini amala aşyrdy. 2016-2023-nji ýyllarda Türkiýäniň BMG-niň ýanyndaky hemişelik wekili boldy.
2023-nji ýylda BMG-niň Baş sekretary tarapyndan Owganystan boýunça garaşsyz baha beriş boýunça ýörite utgaşdyryjy wezipesine bellenipdi.