Italiýanyň Premýer-ministri Jorja Meloni Waşington şäherinde ABŞ-nyň Prezidenti Donald Tramp bilen duşuşdy. Şol duşuşykda Meloni Trampy Rime sapara gelmäge çagyrdy.
Duşuşykda iki ýurdy gyzyklandyrýan ugurlar boýunça hyzmatdaşlyk gatnaşyklary ara alnyp maslahatlaşyldy.
– Biz Prezident Trampa minnetdarlyk bildirýäris. Ol biziň çakylygymyzy kabul etdi. Italiýa energiýa importuny artdyrýar we italýan kompaniýalary bu ugurda 10 milliard ýewro maýa goýarlar – diýip, Meloni belledi.
Şu gün Meloniniň Rimde ABŞ-nyň wise-prezidenti bilen duşuşygy göz öňünde tutulýar.