Ýaponiýada dowam edýän tomusky Olimpiýa oýunlarynyň ilkinji altyn medalyny gazanan Hytaý ikinji altyn medalyny agyr atletikada gazandy. Hytaýly zenan agyr atletikaçy Hou Çžihueý 49 kilogram agramda çykyş edip, altyn medaly gazandy.
Bu ugurda ikinji orny, ýagny kümüş medaly hindistanly Saikh Mirabai Çan, bürünç medaly bolsa, indoneziýaly Uindi Kantika eýeledi.
Hytaýly türgen iki ugur boýunça jemi 210 kilogram agramy götermegi başardy. Hindistanly türgen 202 kg, indoneziýaly türgen bolsa 194 kg agramy galdyrdy.
Hytaýly zenan agyr atletikaçy Hou Çžihueý Olimpiýa rekordy bilen altyn medalyň eýesi boldy.
Hytaýly türgen Sýan Ýan pnewmatik tüpeňde ok atmakda Olimpiýa oýunlarynyň ilkinji altyn medalynyň eýesi boldy.