Türkiýe Respublikasynyň “Türk Howaýollary” awiasiýa edarasy aprel aýy üçin uçuş meýilnamasyny yglan etdi. Bu barada awiakompaniýanyň resmi internet sahypasynda bellenilip geçilýär.
Şol beýanatda uçuş meýilnamasyna laýyklykda, ýolagçylaryň saglyk we howpsuzlyk boýunça ähli düzgünler berk berjaý edilip, 226 ugur babatda gatnadylýandygy habar berildi. Milli we halkara saglygy goraýyş edaralary bilen içgin alyp barýan işleriň netijesinde, saglygy goraýyş ülňüleri berjaý edilip, gatnawlaryň amala aşyrylmagyny ýola goýmak babatda tagalla edilýändigi bellenilip geçilýär. Awiakompaniýanyň uçuş meýilnamasynda Türkmenistana gatnawlar hem göz öňünde tutulypdyr.
Bu döwürde meýilleşdirmegiň nähili kyndygy göz öňünde tutulyp, syýahat mümkinçilikleri barada käbir meýilnamalar taýýarlanýar. 2020-nji ýylyň 21-nji martyndan 2021-nji ýylyň 31-nji dekabry aralygynda biletler babatda çäksiz üýtgeşmeler girizip bolar. Bu sahypadan yzygiderli maglumat alyp bilersiňiz.