Teýlor Swift “Folklore” albomy bilen rekord üstünde rekord gazanýar. Teýlor Swiftiň 24-nji iýulda çykan sekizinji albomy “Folklore” ilkinji çykan hepdesinde sanly platformalarda 500 million gezek diňlenildi. Zenan artistleriň arasynda “iň köp diňlenýän albom” diýen ada eýe bolan “Folklore” eýýäm 2020-nji ýylyň iň uly hit albomyna öwrüldi.
Gysga wagtyň içinde iň köp orun gazanan albomdaky aýdymlar diňe ilkinji 24 sagadyň dowamynda “Spotify”-da 80 million gezek diňlenildi. Albom “Apple Music”-de hem öz rekordyny goýdy. Albomyň CD diskleri bilen 1,5 million sanysy satyldy.