Gazak halkynyň milli geýim-gejimleriniň biri bolan “takiýa” diýlip atlandyrylýan başgaplar ozalky meşhurlygyna gaýtadan eýe bolmaga başlady. Takiýalar ozal aýallaryň derejesini aňladypdyr. Göçüp-gonup ýören adamlaryň maşgalasynda doglan gyzlar ýaşlykdan tä nika ýaşyna çenli takiýa geýipdirler. Wagtyň geçmegi bilen unudylyp giden takiýa soňky günlerde ýene meşhurlyga eýe bolýar. Esasan hem, ýaz we tomus aýlarynda geýilýän takiýany Gazagystana myhman bolup baran syýahatçylar uly höwes bilen satyn alýarlar.