Kosmos syýahatçylygy barha uly gyzyklanma döredip başlady. “SpaceX” kompaniýasy ilkinji gezek Halkara kosmos bekedine kosmos syýahatçylaryny iberdi.
3 sany işewür – ABŞ-dan Larri Konnor, Kanadadan Mark Pati, Ysraýyldan Eýtan Stibbe “Crew Dragon” kosmos gämisi bilen ABŞ-nyň Florida ştatyndaky Kanaweral burnunda ýerleşýän kosmodromdan älem giňişligine gitdiler.
Syýahatçylaryň her biri bu kosmos syýahaty üçin 55 million dollar tölediler. Olara bu syýahatynda NASA-nyň astronawty Maýkl Lopes-Alegriýa ýoldaşlyk edýär.
Kosmos gämisi Halkara kosmos bekedine üstünlikli baryp ýetdi. Kosmos syýahatçylary bu ýerde 8 gün galarlar we soňra Ýere dolanyp gelerler.
Syýahatçylar ilkinji gezek Halkara kosmos bekedine Russiýanyň “Soýuz” gämisi däl-de, eýsem Ilon Maksyň “SpaceX” kompaniýasy tarapyndan işlenip düzülen “Crew Dragon” gämisi bilen geldiler.