Şu gün Saud Arabystanyda Ispaniýanyň Naýbaşy kubogyny, ýagny Superkubogyny gazanmak ugrunda ýaryşyň çäklerinde duşuşyklar geçiriler. Şonuň çäklerinde Madrid derbisi oýnandy. Onda “Real Madrid” bilen “Atletiko Madrid” toparlary duşuşdy.
Duşuşyk 5:3 hasabynda “Realyň” peýdasyna tamamlandy. “Real” topary duşuşygyň 78-nji minutynda derwezesinden 3-nji pökgüni geçirdip, ýeňilip barýardy. Ýöne 85-nji minutda Karwahal hasaby deňledi.
Duşuşyga goşulan goşmaça wagtda “Real” topary 116-njy minutda Stefan Sawiç öz derwezesine geçiren goly hem-de 120-nji minutda Braim Diasyň goly bilen hasaby 5:3-e getirdi.
Şeýlelikde, “Real” topary bassyr 3-nji gezek Ispaniýanyň Naýbaşy kubogynda finala çykdy.
Onuň finaldaky garşydaşy şu gün belli bolar. Belki finalda bu gezek “El Klasiko” derbisini görmek bolar.
Ýarym finalyň beýleki duşuşygynda “Barselona” topary “Osasuna” topary bilen duşuşar.