JEMGYÝET

Sanlardanmykak.

Gara yhlasymyz ýuwdup gara ýer,

Gury geçip barýan sanlardanmykak,

Ýa-ha çyn akyldar ýaha-da meger,

Hiç zadyň alnyndan dällerdenmikäk.

 

Sapak etmän pederleriň namasyn,

Goramaýan ynsabynyň namysyn,

Hiç aňmaýan ykbalynyň manysyn,

Bir tezegmiz aýry mallardanmykak.

 

Gögeleje diýäýseler jibrinýän,

Ýeňlesligiň ýelginini ýigrenýän,

Ýaş bolsagam garrylary öwrenýän,

Ýüzi gasyn, başy çallardanmykak.

 

Başa gelen takdyryna ten beren,

Ezýeti lezzetden artygrak gören,

Öňdäki birligin arzuwlap ýören,

Otyrlardan soňky nollardanmykak.

 

Çar tarapa kowup pikir sürsini,

Ugursuz zatlara berip ünsüni,

Haşal otlar basyp giden üstüni,

Asla ýörelmeýän ýollardanmykak.

 

Şahyr ömür oturmagyn sem ýaly,

Haýyr hem şer görünsede deň ýaly,

Ýa gadyry giç bilinýän hum ýaly,

Ýagşy niýet ýagşy pällerdenmikäk.

Abdyrahman ORAZMÄMMEDOW

 

Ýene-de okaň

Aşgabatda halkara moda görkezilişi guraldy

Ata Watan Eserleri

Türkmen ýaşlarynyň dykgatyna! Rumyniýa okuw üçin resminamalar kabul edilip başlandy

Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasy ÝUNISEF bilen ýakyndan hyzmatdaşlyk etmegi maksat edinýär

Gurbanguly Berdimuhamedow adyndaky haýyr-sahawat gaznasynyň müdiriýetiniň mejlisi geçirildi

Haýyr-sahawat gaznasynyň wise-prezidenti ÝUNISEF-iň Türkmenistandaky wekili bilen duşuşdy

Arkadag şäherine ekologik taýdan arassalygy üçin täze güwänama berildi