Hytaý Halk Respublikasynyň Týanszin şäherinde Şanhaý Hyzmatdaşlyk Guramasynyň sammiti geçiriler. Oňa 20-den gowrak ýurduň döwlet we hökümet Baştutanlary we 10 halkara guramanyň ýolbaşçylary gatnaşar. Sammit 31-nji awgust-1-nji sentýabr aralygynda geçiriler.
Hytaýyň Daşary işler ministrliginiň resmi wekiliniň habar bermegine görä, bu sammite gatnaşjak döwlet we hökümet baştutanlarynyň arasynda Russiýanyň Prezidenti Wladimir Putin, Belarusyň Prezidenti Aleksandr Lukaşenko, Hindistanyň Premýer-ministri Narendra Modi, Eýranyň Prezidenti Masud Pezeşkian, Gazagystanyň Prezidenti Kasym-Žomart Tokaýew, Gyrgyzystanyň Prezidenti Sadyr Žaparow, Pakistanyň Premýer-ministri Şahbaz Şerif, Täjigistan Prezidenti Emomali Rahmon, Özbegistan Prezidenti Şawkat Mirziýoýew, Azerbaýjanyň Prezidenti Ilham Aliýew, Ermenistanyň Premýer-ministri Nikol Paşinýan, Kambojanyň Premýer-ministri Hun Manet, Maldiwleriň Prezidenti Muhammet Muizzu, Nepalyň Premýer-ministri Şarma Oli, Türkiýäniň Prezidenti Rejep Taýyp Ärdogan, Müsüriň Premýer-ministri Mustafa Madbuli, Malaýziýanyň Premýer-ministri Anwar Ybrahim, Indoneziýanyň Prezidenti Prabowo Subianto, Laosyň Prezidenti Thonglu Sisulit we Wýetnamyň Premýer-ministri Pham Minh Trinh bar.
Şeýle hem bu ýokary derejeli duşuşyga BMG-niň Baş sekretary Antonio Guterriş ýaly halkara guramalarynyň we köptaraplaýyn mehanizmleriň ýolbaşçylary çagyryldy.