«Samsung» kompaniýasynyň «Galaxy A» tapgyrynyň Ýer ýüzündäki meşhurlygy barha artýar. Şonuň üçin hem kompaniýa bu tapgyryň täze wekillerini yzygiderli çykaryp dur. Şol bir wagtyň özünde-de ozalky «Galaxy A»-lar assa-ýuwaşdan arzanlap hem barýar. Arzanlamak nobaty täsinlikleri bilen özüne bendi eden «Galaxy A50»-ä-de gelip ýetdi diýip «Terabaýt» saýty habar berýär.
Garaşylyşy ýaly, «A50»-niň ilkinji arzanlar ýeri Hindistan bazarlary boldy. Aýdylyşyna görä, häzir «A50»-li bolmak ozalkysyndan 22 dollar arzan. Bu gürrüň 4 gigabaýt wagtlaýyn ýady we 64 gigabaýta deň hemişelik ýady bolan «A50»-lere degişli. Wagtlaýyn ýady 6 gigabaýltlyk «A50» bolsa ozalkysyndan 36 dollar arzanlady. Hawa, garaşyberiň, bu entek başlangyjy!