2024-nji ýylyň ýanwar-awgust aýlary aralygynda Russiýanyň nebitiniň Özbegistana Gazagystanyň çäginden geçýän mukdary 2023-nji ýyldaky umumy görkezijiler bilen deňeşdirilende 30% ýokarlandy. TASS-nyň habaryna görä, Russiýanyň energetika ministriniň birinji orunbasary Pawel Sorokin Russiýa Federasiýasy Geňeşi bilen Gazagystan Senatynyň arasyndaky hyzmatdaşlyk baradaky komissiýanyň 22-nji mejlisinde aýtdy.
Pawel Sorokin Gazagystanyň hyzmatdaşlaryna nebit üstaşyr geçirmek babatdaky hyzmatdaşlygy üçin minnetdarlyk bildirdi. Şeýle hem, 2023-nji ýylda Russiýanyň Hytaýa iberýän nebit mukdarynyň 10 million tonna barabardygyny belläp, şuňa meňzeş görkezijiniň 2024-nji ýylda gazanyljakdygyna ynam bildirdi.
Ozal 2023-nji ýylda Russiýadan Özbegistana nebit eksportunyň 154,3 müň tonna barabardygy habar berildi. 2024-nji ýylda üpjünçiligi 1 million tonna çenli artdyrmak meýilleşdirilýär. Bu, 2023-nji ýylyň 4-nji noýabrynda Moskwada gol çekilen üç taraplaýyn şertnamada göz öňünde tutulandyr. Bu resminama Russiýanyň energetika ministriniň birinji orunbasary Pawel Sorokin, Özbegistanyň Energetika ministriniň birinji orunbasary Azim Ahmedhajaýew we Gazagystanyň energetika ministriniň orunbasary Erlan Akkenženow gol çekipdi.