SPORT

Ronaldonyň täze rekordy: 900 gol geçiren ilkinji futbolçy

Saud Arabystanyň “Al-Nasr” toparynda çykyş edýän Portugaliýanyň milli ýygyndysynyň hüjümçisi Krisitano Ronaldo resmi duşuşyklarda 900-nji goluny geçirip, şeýle görkezijä eýe bolan ilkinji futbolçy boldy.

Ol Milletler ligasynda Portugaliýa bilen Horwatiýanyň arasynda geçirilen duşuşykda oýnap, duşuşygyň 34-nji minutynda tapawutlandy. Duşuşyk 2:1 hasabynda portugallaryň peýdasyna tamamlandy.

Şeýlelikde, 39 ýaşyndaky Ronaldo resmi duşuşyklarda 900 gol geçiren ilkinji futbolçy adyna eýe boldy. Ol “Sporting” toparynyň düzüminde 5, “Mançester Ýunaýted” toparynyň düzüminde 145, “Real Madridiň” düzüminde 450, “Ýuwentusyň” düzüminde 101, “Al-Nasryň” düzüminde 68 gol geçirip, milli ýygyndy bilen geçiren duşuşyklarynda 131 gol geçirdi.

Ronaldo futbol taryhynyň iň köp gol geçiren futbolçysy, şol san-da, milli ýygyndynyň düzüminde, Ýewropa çempionatynda, Çempionlar ligasynda iň köp tapawutlanan futbolçylaryň biridir.

Ronaldo 2003-nji ýyldan bäri Portugaliýanyň düzüminde çykyş edip, 213 duşuşykda oýnady.

Ýene-de okaň

Rus hokkeýçi Oweçkin taryhy rekordyna golaýlaýar

Çempionlar ligasy: “Inter”, “Bawariýa”, “Barselona” we “Liewrpul” ýeňiş gazandy

Çempionlar ligasynda 1/8 finalynyň ilkinji duşuşyklarynyň netijeleri

AFK-nyň Çagyryş ligasy: “Arkadag” topary “East Bengal” toparyny ýeňdi

Winisius transfer rekordyny goýup biler

Tomas Bah Halkara Olimpiýa komitetiniň ýolbaşçysy wezipesinden gidýar