Russiýa Federasiýasynyň Prezidenti Wladimir Putin Türkiýäniň Prezidenti Rejep Taýyp Ärdogan hem-de Eýranyň Prezidenti Masud Pezeşkian bilen Tatarystanyň paýtagty Kazan şäherinde geçiriljek BRIKS sammitinde duşuşmagy göz öňünde tutýar.
Türkiýäniň Beýik Millet Mejlisiniň Başlygy Numan Kurtulmuşy kabul eden Russiýa Federasiýasynyň Prezidenti Wladimir Putin Türkiýäniň Prezidenti Rejep Taýyp Ärdogany oktýabr aýynda Kazandaky BRIKS sammitine garaşýandygyny belledi we şol ýerde ikitaraplaýyn duşuşygyň meýilleşdirilendigini aýtdy.
Russiýa Federasiýasynyň Prezidenti Wladimir Putin Türkiýe bilen Russiýanyň arasyndaky gatnaşyklaryň ähli ugurlarda ösdürilýändigine kanagatlanma bildirdi. Ol bu gatnaşyklaryň ykdysadyýet, ynsanperwer we daşary işler ministrlikleriniň ugry boýunça üstünlikli ösdürilýändigini belledi.
Şeýle hem Russiýa Federasiýasynyň Prezidenti Wladimir Putin bu sammitiň çäklerinde Eýranyň Prezidenti Masud Pezeşkian bilen hem duşuşmagy meýilleşdirýär.