Türkmenistanyň ilçisi Atajan Möwlamow bilen Pakistanyň nebit ministri Musadik Mälik Türkmenistan-Owganystan-Pakistan-Hindistan (TOPH) gaz geçiriji taslamasyny tamamlamaga ygrarlydyklaryny tassykladylar.
Ilçi ministriň wezipesine girişmegi bilen gutlady. Ministr Musadik Malik hem öz gezeginde ilçä minnetdarlyk bildirdi we iki ýurduň arasyndaky hyzmatdaşlygy dowam etdirmäge taýýardyklaryny mälim etdi.
Şeýle hem ol TOPH taslamasynyň ähmiýetiniň uludygyny belläp, Pakistanyň bu taslamanyň üstünlikli tamamlanmagyna ygrarlydygyny aýtdy.
Ministr Malik geçen wezipä möhletinde gazanylan ösüşleri täze möhletde hem dowam etdirmäge taýýardygyny belläp geçdi.
Ilçi Möwlamow hökümetara toparynyň we iş toparynyň öňde boljak duşuşyklary barada maglumat berdi. Türkmenistanyň ilçisi TOPH gaz geçirijisi taslamasynyň oňa gatnaşyjy ýurtlar üçin utuşly taslama bolup durýandygyny belledi.
Şeýle hem ilçi Pakistan tarapyna şu ýylyň aprel aýynda Pariž şäherinde geçiriljek Türkmenistanyň energiýa pudagyna daşary ýurt maýa goýumlaryny çekmek boýunça halkara göçme foruma gatnaşmak üçin çakylyk berdi.