Özbegistanda täze dünýä rekordy goýuldy – 1946 ýaş inžener bir wagtda 1946 robot ýygnady. Özbegistanyň metbugatynyň habar bermegine görä, bu üstünlik Ginnesiň rekordlar kitabyňyň wekilleri tarapyndan resmi taýdan hasaba alyndy.
Rekord “Muhandislik Missiýasy” (“Inženerlik missiýasy”) atly festiwalyň çäklerinde goýuldy.
Bu ugurda öňki rekord 2023-nji ýylyň 23-nji ýanwarynda Hindistanyň Bhopal şäherinde goýlupdy. Şonda 1459 okuwçy ekin ekmek we ösümliklere ideg etmek üçin oba hojalyk robotlaryny ýygnapdy.
Robotlar 25 minutda ýygnandy we çäräniň resmi emini tarapyndan bu rekord hasaba alyndy. Bu rekord synanyşygy hasaba almak üçin çärä gatnaşan “Guinness World Records” guramasynyň wekili Karlo Peri Sewill Özbegistanyň ýokary bilim, ylym we innowasiýa ministri Kongratbaý Şaripowa degişli şahadatnamany gowşurdy.