Owganystanyň hökümeti telekeçilere wiza bermegi meýilleşdirýär. Bu barada Owganystanyň söwda we senagat ministri Nuriddin Azizi habar berdi.
– Biziň hökümetimiz ykdysady, ikitaraplaýyn we sebit söwda gatnaşyklaryny ösdürmäge ygrarly. Biz Owganystanyň geoykdysady ýagdaýynyň Owganystanyň we sebitiň peýdasyna has gowy ulanyljakdygyna ynanýarys – diýip, Nuriddin Azizi gazak-owgan işewürlik forumynda belläp geçdi.
Şeýle hem bu forumda çykyş eden Gazagystanyň wise-premýeri – söwda we integrasiýa ministri Serik Žumangarin Gazagystanyň Owganystana un ibermegiň möçberini artdyrmaga taýýardygyny belledi. Onuň bellemegine görä, 2023-nji ýylyň 4 aýynda Owganystana Özbegistanyň üsti bilen 150,8 million dollar möçberinde 450 müň tonna un iberildi.
Gazak ministri Türkmenistanyň üstaşyr ýük gatnamalaryň boýunça gyzyklanma bildirýändigini we üstaşyr ýükleriň nyrhynda arzanladyş hem etmäge taýýardygyny belläp, Owganystana iberilýän harytlary bu ugurda hem daşamagyň mümkinçiliginiň döreýändigini belledi.