JEMGYÝET

Türkmen döwlet binagärlik-gurluşyk institutyna täze rektor bellenildi

Türkmenistanyň Prezidenti Serdar Berdimuhamedow Begli Baýrammyradowiç Ataýewi Türkmen döwlet binagärlik-gurluşyk institutynyň rektory wezipesine bellemek hakyndaky resminama gol çekdi.

Ýeri gelende bellesek, 2026-njy ýylyň 13-nji fewralynda geçirilen Ministrler Kabinetiniň giňişleýin mejlisinde bu ýokary okuw mekdebiniň rektory Batyr Meretdurdyýewiç Mämmedow Türkmenistanyň Ministrler Kabinetiniň Başlygynyň orunbasary wezipesine bellenipdi.

INSTITUT BARADA…

Häzirki wagtda Türkmen döwlet binagärlik-gurluşyk institutynda 8 fakultet we 28 kafedra hereket edýär we 4635 sany talyp 10 ugur we 34 hünär boýunça döwrüň talabyna laýyklykda bilim alýarlar. Bakalawr maksatnamasynyň 7 sany ugry boýunça 13 sany taýýarlygyň ugrundan bakalawrlar taýýarlanýar. Institut Türkmenistanyň döwlet we hususy eýeçilikdäki edaralary we kärhanalary üçin ýöriteleşdirilen ugurlar boýunça hünärmenleri taýýarlaýar we her ýylda 759-dan gowrak ýokary bilimli hünärmenleri goýberýär.

Related posts

«Galkynyş» topary Azerbaýjanda çykyş etdi (suratlarda)

Ata Watan Eserleri

Halk Maslahatynyň Başlygy Samarkant şäherine bardy

Ata Watan Eserleri

Dünýäniň ilkinji 5G ulgamly planşeti

vepa